Алматыда экологиялық эстафета басталды

"Алматы жазы" экологиялық эстафетасы алматылықтардың сүйікті демалыс орындарының бірі – Медеу шатқалында басталды, – деп хабарлайды Taspanews.kz қалалық әкімдіктің Telegram-каналының ақпаратына сілтеме жасап.

Танымал спортшылар, белсенді азаматтық ұстанымы бар қала тұрғындары және тауларда демалуды ұнататындар табиғатта тәртіп орнатты, сондай-ақ қонақтармен қоғамдық демалыс орындарында мәдениетті адамның мінез-құлық ережелерін сақтаудың маңыздылығы тақырыбында ағартушылық жұмыс жүргізді. Іс-шараға "Медеу" және "Шымбұлақ"қызметкерлері де қатысты.

Экологиялық эстафетаға қатысқандар:

Томирис Сатыбалды – тай боксы бойынша өткен жылғы әлем біріншілігінің чемпионы;

Дмитрий Баландин – жүзгіш, 2016 жылғы Олимпиада чемпионы;

Ерлан Тілеубетов – джиу-джитсудан еңбек сіңірген спорт шебері;

Салтанат Қазыбаева – "Алматы марафоны" өкілі;

Дәулетбек Елхан, Михаил Бабаев және Сабина Орнықбаева – каратэден киокушинкай әлем Кубогының жеңімпаздары және қола жүлдегері;

Олег Чеботарев – альпинист;

Диана Фролова – альпинист, балалар мен жасөспірімдер туризмінің тәлімгері.

Бұл эстафета танымал демалыс орындарының экологиялық жағдайын жақсартуға көмектесіп қана қоймайды, сонымен қатар халық арасында экологиялық жауапты мінез-құлықтың маңыздылығы туралы хабардар болуға ықпал етеді.