Алматыда есірткі таратумен айналысқан шетелдіктер ұсталды
Алматыда есірткі таратумен айналысқан үндістанның екі азаматы қамауға алынды. Операция барысында тыйым салынған заттар тәркіленді, – деп хабарлайды Taspanews.kz polisia.kz сілтеме жасап.
24 және 26 жастағы екі үндістандық арнайы операция кезінде есірткі қылмысына қарсы күрес басқармасының қызметкерлері тарапымен ұсталды.
Сот-химиялық талдау нәтижелері бойынша күдіктілерден табылған түйіршіктерде "мефедрон" препараты болған. Күдіктілер жасаған қылмысы үшін өз кінәсін мойындады. Қазіргі уақытта Алматыда есірткіні жеткізу каналы және өндіру көздерін анықтау жүргізілуде.
- Ұсталғандар қамауға алынды. Есірткіні өткізу фактісіі бойынша сотқа дейінгі тергеу басталды, – деді Алматы қаласы Полиция департаменті бастығының орынбасары Қуатбек Науатов.
Тергеу мүддесі үшін қосымша ақпарат таратылмайды
