Алматыда Қазақ Ұлттық университетінің 90 жылдығы атап өтілді

Алматыда орналасқан Қазақ ұлттық университетінің 90 жылдығына орай Абай атындағы Қазақ ұлттық опера және балет театрында мерекелік іс-шара мен жас ғалымдарға пәтер сертификаттарын табыстау, университет қызметкерлеріне мемлекеттік наградалар беру жүзеге асты, – деп хабарлайды Taspanews.kz университет баспасөз қызметіне сілтеме жасап.

Мемлекетік кеңесші Ерлан Қарин Қазақстан Президентінің құттықтау сөзін оқыды. Онда мемлекет басшысы жоғарғы оқу орны Орта Азиядағы жоғары оқу орындары арасындағы халықаралық рейтингтерде көшбасшы рөлде екенін атап өтті.

Білім ордасы бүгінгі мерейтойына зор жетістіктерімен жетіп отыр. Беделді халықаралық рейтингтерде Орталық Азия аймағындағы ЖОО көшін бастауы соның айқын дәлелі. Студенттерді ғылым мен білімге баулып, олардың бойына адал азаматқа тән қасиетті сіңіру жолында еңбек етіп жүрген университет ұжымына шынайы ризашылығымды білдіремін – Президент құттықтауынан.

Сонымен қатар, іс-шараға қала әкімі, Ғылым және жоғары білім министрі мен университеттің басқарма төрағасы, шетелдік қонақтар мен қоғам қайраткерлері қатысты.

«Мерейтойлық шара барысында университет жетістіктері мен халықаралық байланысының дамуы және ғылыми-инновациялық жобаларына арналған көрме ұйымдастырылды. Көрмеде білім ордасының базасында мұнай-химия, ІТ, медицина, жасанды интеллект, биология, физика, ғарыштық технология, география салалары бойынша жүргізіліп жатқан инновациялық жобалардың нәтижелері баяндалды», – ҚазҰУ баспасөз қызметі.

Көрмеден кейін «Farabi – 90– ҚазҰУ баспасөз қызметі. тарихи-деректі фильмі көрсетілді.

Іс-шара концертпен жалғасты.