Алматыда көзінің торлы қабығы жарылған 69 жасар қарт адамға ота жасалды
Фото: Pexels
Алматыда көзін үстелдің ұшыга ұрып алған қарт адамның көзінде торлы қабық жарылған, – деп хабарлайды Taspanews.kz ҚР ДСМ сілтеме жасап.
Ер адамның диагнозы күрделі болды. Ол склераның жарылуы, көз алмасының ауыр соғылуы, көздің ішкі қабығының түсуі, жарақаттан кейінгі афакия, аниридия, гемофтальм және торлы қабықтың ажырауына душар болды.
Орталық қалалық ауруханада жүргізілген сәйкес ота мен қажетті шаралар арқасында көру қабілеті сақталды. Науқасқа арнайы жасанды көз айнасы мен линза дайындалды. Ота міндетті әлеуметтік медициналық сақтандыру жүйесі аясында жүрді.
