Алматыда күн кенеттен суытады
Алматыда қар және көктайғақ болжанғанына орай коммуналдық қызметтер күшейтілген режимге көшті, – деп хабарлайды Taspanews.kz Almaty joly сілтеме жасап.
26 ақпаннан бастап Алматыда жауын-шашын болжануда – алдымен жаңбыр жауып, кешке қарай ол жабысқақ қарға ұласады. Қар 27 ақпанға дейін жалғасады. Түнде ауа температурасы -3…-5°C дейін төмендеп, күндіз +1…+3°C болады.
Қаланың коммуналдық қызметтері күшейтілген жұмыс режиміне көшеді. Көктайғақтың алдын алу үшін көшелерге арнайы реагенттер себіледі.
Қар тазалау жұмыстарына 624 арнайы техника мен 1380 жұмысшы жұмылдырылады.Қауіпті жол учаскелерінде – еңістерде, көтерілімдерде және жолайрықтардың бұрылыстарында көктайғақтың алдын алу және оны жою мақсатында 46 жедел бригада тәулік бойы бақылау жүргізеді.
