Алматыда микроқаржы ұйымдары несин алушыларды қарызға батырған
Алматыда микроқаржы ұйымдары несин алушыларды қарызға батырған Алматы қаласы бойынша Қаржы Мониторингі департаменті 6 микроқаржы ұйымының алаяқтық қызметін анықтады, – деп хабарлайды Taspanews.kz ҚР ҚМА сілтеме жасап.
“Creditum” МҚҰ, “Sofi Finance” МҚҰ, “Hava Finance” МҚҰ, “SF Offline” МҚҰ, “POS Credit” МҚҰ, “Сәлем Кредит” МҚҰ ұйымдарына қатысты алаяқтық және заңсыз кәсіпкерлік қызмет бойынша тергеу басталды. Аталған компания қарызын уақытылы төлемегендерді «KOKE.KZ», «TENGO.KZ», «HAVA.KZ» платформалары арқылы серіктес компаниялармен кепілдік шартын жасасуға итермелеген.
"Бұл ретте кепіл берушінің жауапкершілігі тек қарыз алушы қайтыс болған жағдайда ғана күшіне енген. Аталған қызмет үшін бастапқы несие сомасынан бірнеше есе асып түсетін төлемдер алып, азаматтарды қарызға батырған",
Осылайша, қарыз алушылар несие сомасынан 3-5 есе көп төлем жасаған. Микроқаржы ұйымдары жасалған кепілдік шарттарынан пайда тапқан. Келтірілген шығын 30 млрд теңгені құрады. Іс бойынша тергеу жүргізілуде.
