Алматыда несие алушыларды қарызға батырған микроқаржы ұйымдары лицензиядан айырылды
Алматы қаласындағы 6 микроқаржы ұйымдарының заңсыз қызметіне қатысты іс бойынша екі компания микроқаржылық қызметті жүзеге асыру лицензиясынан айырылды, – деп хабарлайды Taspanews.kz ҚР ҚМА сілтеме жасап.
Қалған төрт аффилирленген МҚҰ-ға қатысты тексеру жүргізілуде.
Сот қарыз алушылардың 130 кепілдік шартын жарамсыз етіп тану бойынша талаптарын орындалды. Азаматтар міндеттемелерден босатылды. МҚҰ заңсыз алынған қаражатты қайтаруға міндеттелді.
Қаржы мониторингі агенттігі бастамасымен Алматы қаласы прокуратурасы 327 мың азаматтың мүддесін қорғау үшін сотқа арыз түсірді.
Белгілі болғандай 6 микроқаржы ұйымы бір құрылым ретінде қызметін жүзеге асырып, бір кеңсені пайдаланған. 200-ден астам қызметкерлері болғаны анықталды. Іс-әрекеттері шет ел азаматтарының бақылауында болды.
Еске салсақ, наурыз айының соңында “Creditum” МҚҰ, “Sofi Finance” МҚҰ, “Hava Finance” МҚҰ, “SF Offline” МҚҰ, “POS Credit” МҚҰ, “Сәлем Кредит” МҚҰ ұйымдарына қатысты алаяқтық және заңсыз кәсіпкерлік қызмет бойынша тергеу басталды. Аталған компания қарызын уақытылы төлемегендерді «KOKE.KZ», «TENGO.KZ», «HAVA.KZ» платформалары арқылы серіктес компаниялармен кепілдік шартын жасасуға итермелеген. Осылайша, қарыз алушылар несие сомасынан 3-5 есе көп төлем жасаған. Микроқаржы ұйымдары жасалған кепілдік шарттарынан пайда тапқан. Келтірілген шығын 30 млрд теңгені құрады.
