Алматыда тұрмыстық зорлық-зомбылыққа қарсы акция өтеді
Фото: pixabay.com
28 қарашада Алматыда "Дағдарыс орталықтарының одағы" ЗТБ ұйымдастырған тұрмыстық зорлық-зомбылық құрбандарын қолдау акциясы өтеді, – деп хабарлайды Taspanews.kz Өңірлік коммуникациялар қызметіне сілтеме жасап.
Акция "Жібек Жолы" метро станциясында өтеді. Бұл туралы ұйымның төрағасы Зүльфия Байсақова ӨКҚ-де өткен баспасөз мәслихатында мәлімдеді.
Акция аясында 16 күн бойы сарапшылармен пікірталастар, сұхбаттар және кездесулер өтеді.
Басты оқиға 28 қарашада болады, онда LED-экранда зорлық-зомбылық құрбаны болған әйелдердің суреттері көрсетіледі.
Сонымен қатар, оқиға орнында көмек көрсетуге және кеңес беруге дайын заңгерлер мен психологтар жұмыс істейді.
