Алматыда жаңа мектептер ашылады
Алмалы ауданында жаңа мектептер салынып, білім ордалары жаңғыртылуда, – деп хабарлайды taspanews.kz.
Алматы әкімі Ерболат Досаев Алмалы ауданы тұрғындарымен кездесуде оқушы орындарының тапшылығын азайту мақсатында жаңа мектептер салу және қолданыстағы білім мекемелерін жөндеу жұмыстары жалғасып жатқанын айтты.
«Жайлы мектеп» ұлттық жобасы аясында 1,5 мың орындық жаңа мектептің құрылысы аяқталып, бірнеше мектепке қосымша ғимараттар салынуда.
2024 жылдың шілде айында №58 мектепке 600 орындық қосымша ғимараттың құрылысы басталды. Құрылыс 2026-жылдың желтоқсанына бітеді деп жоспарланған.
Сонымен қатар, №16 мектепке 300 орындық қосымша ғимарат салу жұмыстары басталып, 2026 жылдың бірінші тоқсанында аяқталады. 2025 жылдың тамыз айында №134 және №135 мектептерінде сейсмикалық нығайту жұмыстары жүргізіліп, күрделі жөндеу басталады” ,– Алматы әкімдігі.
