Алматыдан 298 шақырым жерде жер сілкінісі болды
Фото: istockphoto.com
2025 жылдың 11 наурызына қараған түні Қазақстан Республикасы Төтенше жағдайлар министрлігі Сейсмологиялық байқау және зерттеулер ұлттық ғылыми орталығының сейсмикалық станциялар желісі жерасты дүмпулерін тіркеді, – деп хабарлайды Taspanews.kz.
Жер сілкінісі Қазақстан уақыты бойынша 01:14:56-да болды.
«Жер сілкінісінің ошағы Қазақстан мен Қытай шекарасында, Алматыдан солтүстік-шығысқа қарай 298 шақырым жерде орналасқан. Мамандарының есебі бойынша, Жаркентте жер сілкінісі 2 баллды құрады. Бұл жергілікті халыққа қауіп төндірмеді, - делінген келтірілген мәліметте.
Жер сілкінісінің салдары туралы хабар әзірге келіп түспеді.
Мамандар жағдайды бақылауды жалғастыруда.
