Алматыдан 500 км қашықтықта жер сілкінісі болды

 Қазақстандағы сейсмологтар Қытайда болған жер сілкінісін тіркеді, – деп хабарлайды Taspanews.kz.

«18 наурыз, сейсенбіге қараған түні Қазақстан уақыты бойынша сағат 01:52-де ҚР Төтенше жағдайлар министрлігіне қарасты «Сейсмологиялық байқау және зерттеулер ұлттық ғылыми орталығы» ЖШС сейсмикалық станциялар желісі жер сілкінісін тіркеді.

Жер сілкінісінің ошағы Қытайда, Алматыдан солтүстік-шығысқа қарай шамамен 500 шақырым жерде орналасқан», - делінген ҰҚКК хабарламасында.

Қазақстан тұрғындары үшін жер асты дүмпулері байқалмады, дегенмен, сейсмологтар жағдайды жіті бақылауды жалғастыруда. Сарапшылар тіпті әлсіз дірілдер жаңа дүмпу белгісі болуы мүмкін екенін атап өтті.

Сейсмологтар мен құтқарушылар жер сілкінісі кезіндегі негізгі қауіпсіздік ережелерін еске салады:

Үй ішінде болған жағдайда:

- Қатты жиһаздың астынан (үстел, кереует) немесе жүк көтергіш қабырғаның есігінен қауіпсіз орын табыңыз;

- Терезелерден және шыны құрылымдардан, айналардан, құлауы мүмкін ауыр заттардан аулақ болыңыз;

- лифтті пайдаланбаңыз, дүмпу тоқтағаннан кейін баспалдақпен төмен түсіңіз;

Жер сілкінісінен кейін ғимарат зақымдалды ма тексеріп, газ және электр құрылғыларының дұрыс істеп тұрғанына көз жетпегенше – оларды қоспаңыз.

Егер сіз сыртта болсаңыз: Ғимараттардан, ағаштардан және электр сымдарынан алыс болыңыз. Алаңдар, саябақтар, бос жерлер сияқты ашық жерлерді таңдаңыз.

Егер сіз көлікте болсаңыз: Көпірлерде, туннельдерде немесе ғимараттардың жанында емес, қауіпсіз жерде тоқтаңыз. Жер асты дүмпулері аяқталғанша көлікте болыңыз. Ресми қызметтерден келген хабарламаларды қадағалаңыз.