Алматылық жас сейсмолог президент атынан пәтер алды
2024 жылдың отыз бірінші мамыры Ғылым академиясының күрделі жөндеуден өткен ғимаратының ашылу салтанатында жаңа пәтер кілттерін салтанатты түрде алған он шақты жас ғалым үшін айтулы күн болды, - деп хабарлайды Taspanews ҚР Төтенше жағдайлар министрлігінің баспасөз қызметіне сілтеме жасап.
Бұл пәтерлер Қазақстан президенті Қасым-Жомарт Тоқаевтың тапсырмасы бойынша берілді. Марапатталған ғалымдардың қатарында Сейсмологиялық бақылаулар және зерттеулер ұлттық ғылыми орталығының ғимараттардың сейсмикалық төзімділігі зертханасының меңгерушісі Бауыржан Әділхан да бар.
Осы маңызды оқиғаға орай Ғылыми орталықтың директоры Дәулет Сәрсенбаев акт залында салтанатты жиын ұйымдастырып, Бауыржанға жаңа пәтерге тұрмыстық техника сатып алу сертификатын табыс етті.
Жиынға, сондай-ақ, Алматы қалалық сейсмикалық қауіпсіздік басқармасының басшысы Батырхан Сүлейменов пен Алматы қалалық Төтенше жағдайлар департаментінің басшысы Нұрлан Атығаев қатысты. Олар қызметкерлердің қуанышын қолдап қана қоймай, келешегі зор бірлескен жобаларды талқылады.
Бауыржан Әділхан өз сөзінде барша жиналғандарға шексіз алғысын білдірді:
«Құрметті достар мен әріптестер! Мен Алматы қаласында, жер сілкінісі қауіпті аймақта туып-өскендіктен, жер сілкінісіне төзімді ғимараттар мен құрылыстарды салу мамандығын таңдадым. Университетті бітіргеннен кейін мен өзімді ғылымға арнап, қаламызға, елімізге пайдамды тигіземін деп шештім. Мен алматылықтар кез келген жағдайда өзін қауіпсіз сезінетін ғимараттардың құрылысына атсалысқым келеді. Мен Мемлекет басшысына жас ғалымдардың қызметіне жоғары баға бергені үшін, мемлекет тарапынан, Алматы қаласы әкімдігі тарапынан көрсетіліп жатқан қолдау үшін, кейіннен жас ғалымдарды ғылымға көбірек тартатыны үшін шексіз ризамын және алғыс айтамын. ғылым – Ел болашағы!»
