Алматының қоғамдық көлігінде жол жүру 3 тамыздан бастап қымбаттайды

3 тамыз күні Алматы қоғамдық көліктерінде жүруге дағдыланғандар үшін жаңа шарттар қалыптасады. Бір сапардың бағасы әдеттегі 100 теңге емес, 120 теңге құрайды, – деп хабарлайды Taspanews.kz қалалық әкімдіктің баспасөз қызметінің ақпаратына сілтеме жасап.

Әкімдік бастамашылық еткен жаңа қаулыға сәйкес жол ақысын қолма-қол төлеу мүмкін болмайды. Ақшаны алу-қайтару ауыртпалығынан босатылған жүргізушілер көлік жүргізуге толығымен назар аудара алады, бұл қозғалыс қауіпсіздігіне оң әсер етеді.

Қалалық мобильділік басқармасы бүгінде жолаушылардың 97% - дан астамы жол ақысын электронды түрде төлейтінін атап өтті.Қазақстанның оңтүстік астанасының тұрғындары мен қонақтарына ыңғайлы болу үшін төлем жасаудың түрлі мүмкіндіктері қарастырылған:

Onay бөлімшелерінде немесе 115 жеке қызмет көрсету нүктелерінде оңай сатып алуға болатын көлік карталары;

Телефоннан SMS хабарламалар жіберу;

Мобильді қосымшалар.

Бір айға жол жүру билеттерін сатып алу ересек жолаушыларға — 9,900 теңге, студенттерге — 4,200 теңге, оқушыларға — 2,000 теңге, ал зейнеткерлерге-3,000 теңгені құрайды