Алтай ауданында су тасқынына қарсы шаралар жүргізілуде
Фото: ҚР ТЖМ
2025 жылы 2 сәуір күні әскери қызметшілер Шығыс Қазақстан облысы Алтай ауданы Зубовск, Тургусун, Малеевс, Быково, Богатырево, Соловьево және Маяк кенттерінде су тасқынына қарсы іс-шаралар жүргізуде, – деп хабарлайды Taspanews.kz ҚР ТЖМ сілтеме жасап.
Аталған өңірлерде 3 505 метр арық жүйесі, 50 м көпір мен 27 су өткізу құрылыстары тазартылды. 420 қап инертті материалмен толтырылды.
Бұрынырақ, 1 сәуір күні су тасқынына қарсы шаралар Ақтөбеде Құтикөл, Құйылыс, Мамыр және Жайсанбай елді мекендерінде жүргізілді. Жағалау бекітіліп, қорғаныс бөгеттері жасалды. Нұра ауылы мен Белшер елді мекенін байланыстыратын жаяу жүргіншілер көпірі қалпына келтірілді.
