Әмір Омарханов жасөспірімдер арасындағы Ролан Гаррос турнирінің екінші кезеңіне шықты
Фото: ҚТФ
Қазақстандық теннисші Әмір Омарханов жасөспірімдер арасындағы Франция ашық чемпионатының жұптық сайысында екінші айналымға сәтті өтті. Бұл туралы Taspanews Қазақстан теннис федерациясына сілтеме жасап хабарлайды.
Ресейлік Тимофей Дерепаскомен дуэтте Омарханов француз теннисшілері Антуан Фато және Даниэль Джейдпен кездесті. Қызықты кездесу 7:6 (7:5), 6:2 есебімен Омарханов пен Дерепасконың жеңісімен аяқталды.
Қазақстан-Ресей дуэті үшін келесі сынақ франциялық Чарли Камю мен австралиялық Хэйден Джонс жұбымен кездесу болмақ.
