Ақмола облысында ішімдік ішкендер орманда әйелді тұншықтырып, өртеп жіберді
Ақмола облысы, Бурабай ауданының орманынан әйелдің күйген мәйіті табылды,– деп хабарлайды Taspanews.kz inAstana.kz сілтеме жасап. Осы аптаның басында, кешке Щучинск полиция отряды Нефтегаз шағын ауданының жасыл массивінен табылған мәйіт туралы ақпарат алды.
Жедел іс-қимылдан соң тергеушілер қайтыс болған адамды анықтай алды. Әйелдің күйеуі сол күні жоғалып кеткенін мәлімдеген. Ол жұбайының 14 шілдеде достарына қонаққа барғанын және содан бері онымен байланыспағанын айтады. Әйелі жоғалған сәтте ер адам балық аулап отырған.
Таныстарының айтуынша әйелдің қатты мас күйде болғандығы белгілі болды. Бір кезде ол пәтер иесімен жанжалдасқан. Жанындағылар әйелді үй қоршауына дейін шығарып салғанын және оның үйге кеткенін хабарлаған. Тергеу нәтижесі болса басқа қорытындыға келді. Бірге ішімдік ішкендердің екеуі оны тұншықтырып өлтіргенін анықтады. Содан кейін олар денені орман алқабына апарып, үстіне жанғыш зат "Уайт спирит" құйып, өртеп жіберген.
