Қарағандыда зейнеткердің ақшасын ұрлаған қалта ұры ұсталды
Фото: polisia.kz
Қарағандыда полицейлер зейнеткердің ақшасын ұрлаған қалта ұрыны ұстады, деп хабарлайды Taspanews.kz polisia.kz сайтына сілтеме жасап.
Қарағандылық тәртіп сақшылары зейнеткердің ақшасын ұрлаған қалта ұрыны қылмыс үстінде ұстады. Polisia.kz хабарлағандай, криминалдық полицейлер қала аялдамаларының бірінде 43 жастағы ер адамды ұстады. Ол маршруттық автобуста қарт әйелдің сөмкесінен әмиян ұрлағанын мойындады.
Ұрланған әмиянның ішінде банк картасы мен 30 мың теңге қолма-қол ақша болған. Жәбірленуші 72 жастағы зейнеткер болып шықты, полиция қызметкерлері оған ұрланған ақшаны қайтарып берген.
Аталған факті бойынша қылмыстық іс қозғалып, тергеу амалдары жүргізілуде. Полицейлер күдіктінің осыған ұқсас басқа да қылмыстарға қатысы бар-жоғын анықтауда.
