Қарағандылық көлік ұрлаған азаматты екі облыстың полицейлері ұстады
Екі облыстың полицейлері бірлесіп, қарағандылық көлік ұрлаушыны ұстады, * деп хабарлайды Taspanews.kz polisia.kz сайтына сілтеме жасап.
Қарағанды және Павлодар облыстары полиция қызметкерлерінің үйлесімді жұмысы Қарағандыда көлік ұрлығын ашуға мүмкіндік берді. Қарағанды полициясына 49 жастағы қала тұрғынынан ұрлық туралы хабарлама келіп түсті, ол таңертең көпқабатты үйдің жанында түнде қалып қойған көлігінің жоғалып кеткенін анықтады. Келтірілген шығын 800 мың теңгеге бағаланды.
Ұрланған көлік туралы ақпарат бірден Қарағанды облысы және көршілес облыстардағы полиция департаментінің барлық бөлімшелеріне жіберілді. Бірнеше сағаттан кейін Павлодар облысының жол полициясының қызметкерлері іздеуде жүрген көлікті Екібастұз ауданындағы ауылдардың бірінің маңынан тапты. Жүргізуші 32 жастағы жергілікті тұрғын болып шықты, ол ұрлық жасағанын мойындады.
Аталған факті бойынша қылмыстық іс қозғалып, тергеу басталды.
