Аралды толтыру үшін Арнасайға су жіберуді тоқтату ұсынылды
2025 жылы 26 наурыз күні өткен Парламент Мәжілісінің отырысында «Amanat» партиясы Фракциясының мүшесі Мұрат Ергешбаев ҚР Премьер-министрі Қанат Бозымбаевқа депутаттық сауал жолдап, Сырдария мен Арал мәселесін көтерді, – деп хабарлайды Taspanews.kz ҚР Парламенті Мәжілісіне сілтеме жасап.
Мұрат Ергешбаев вегетация кезіндегі Сырдария өзенінен төменге жіберілетін судың азаюы халыққа қиын соғып жатқанын атап өтті. Соңғы бірнеше жылда Өзбекстанда орналасқан Арнасай көлдер жүйесіне көп көлемді су жіберіліп келгені түсіндірілді. Егер су 2023 жылы тасқынды алдын алу үшін жіберілсе, 2024 жылдан бастап жоспарлы түрде тасталып келді.
«Қаңтар айында өткен Қазақстан мен Өзбекстан арасындағы су қатынастарының барлық бағыттары бойынша ынтымақтастықты тереңдету бойынша ұсыныстар әзірлеу жөніндегі бірлескен жұмыс тобы отырысында Арнасайға 1 млрд 542 млн текше метр су жіберу туралы келісім жасалғаны белгілі. Бүгінде Арнасайға 1,5 млрд текше метр су жіберіліп, келісім орындалуына қарамастан, су жіберу жалғасуда. Салдарынан, ақпан айында Сырдария өзені төменгі ағысына жіберіліп жатқан су 100 текше метрге азайса, наурызда су жіберу көлемі 200 текше метрге дейін азайтылды. Солтүстік Арал теңізінің тартылуы күрделі мәселе бола тұра, Арнасайға секундына 50 текше метр су жіберіп, көрші елдің көлін толтырумен айналысып отырмыз»,
Судың аз келуінен күріш егісінің көлемін қысқартуға тура келді.
«Күріш егілмей қатты тұздалған топырақта басқа дақылдардан жоғары өнім алу мүмкін емес. Аймақтың бұл ерекшелігін де ескеруіміз қажет»,
Мұрат Ергешбаев Арнасайға су жіберуді тоқтатуды және Шардарадан төменге тасталатын судың көлемін 650 куб миллисекундына жеткізуді алға тартып, қолдау сұрады.
