Астана, Алматы мен Шымкентте ауа райы күрт салқындайды
Қазақстанның үш ірі қаласы да сәуірдің кенет жауын-шашына тап болды. Жылы күндерді қайта күтуге тура келеді, – деп хабарлайды Taspanews.kz "ҚазГидроМет" РМК сілтеме жасап.
Астанада күндіз көшпелі бұлт жүреді, жауын-шашын болмайды. Температура +14 +16 градус шамасында. Түнде көшпелі бұлт жүріп, жауын мен қар жауады. Ауа температурасы 0 +2 градусқа дейін төмендейді. Желдің жылдамдығы 9-14 м/с.
Алматыда күндіз көшпелі бұлт жүреді, мезгілімен жаңбыр жауып, найзағай ойнайды. Температура +14 +16 градус шамасында. Түнде және таңертен ұқсас ауа райы көрінісі сақталады. Түнде температура +10 +12 градусқа дейін төмендейді.
Шымкентте көшпелі бұлт жүргенмен, жауын-шашын байқалмайды. Күндіз температура +20 +22 градус болады. Түнде +11 +13 градусқа дейін төмендеп, көшпелі бұлт, жаңбыр және найзағай болады.
