Астана прокуратурасы мемлекетке 55 жер телімдерін қайтарды
Фото: Астана қаласы прокуратурасы
Мемлекет қажеттілігі үшін қарастырылған жер телімі туралы сот актілеріне талдау шаралары жүргізілді, – деп хабарлайды Taspanews.kz Астана прокуратурасына сілтеме жасап.
"Жауапкершілігі шектеулі серіктестіктердің бірі ақшалай өтемақы алып, қаланы абаттандыру үшін 50 жер телімдерін мемлекетке беру туралы сот шешімін 2 жыл бойы орындамаған.
Тағы бір жеке тұлға өтемақы алып, 4 мың балаға білім беруге арналған мектеп салу үшін жер телімін мемлекетке беру туралы сот шешімін бір жыл бойы орындамаған", – делінген ресми хабарламада.
Прокурор бақылауымен аталған сот актілері орындалды. Жер телімдері мемлекетке өтті.
