Астанада алаяқ студенттерді грантқа ауыстырмақ болған
Фото: Pexels
Бұрынырақ Астана қаласындағы университеттердің бірінде, түлектерді жұмыспен қамтамасыз ету бөлімінде қызмет атқарған жұмысшы 15 адамды алдап соққан,– деп хабарлайлы Taspanews.kz ҚР Бас прокуратурасына сілтеме жасап.
Бұрынғы ЖОО қызметкері студенттер мен олардың ата-аналарын алдап, грантқа ауысу мүмкін екенін алға тартқан. Нәтижесінде, ол 2023-2024 жылдары 3 млн теңгені заңсыз иеленді. Мемлекеттік айыптаушы тарапымен сотта күнә дәлелденді. Келтірген шығын өтелді.
Сот оның күнәні мойындағанын, шығынды өтегенін және кәмелетке толмаған балаларының болуын ескере 3 жылға бас бостандығын шектеу жазасын тағайындады. Пробациялық бақылау жүргізіледі.
