Астанада есірткіден арылған анаға баласы қайтарылды
Астана қаласының кәмелетке толмағандардың істері жөніндегі мамандандырылған ауданаралық сотында наркологиялық орталықтан есептен шыққан әйелге баласы қайтарылды, – деп хабарлайды Taspanews.kz Жоғарғы Сотқа сілтеме жасап.
2022 жылы 5 жасар баласын асырауға анасының құқығы шектелген. Бұл есірткіге тәуелділікке байланысты болды. Ал баланың әкесі мүлдем ата-ана құқығынан айырылған.1 жыл ішінде әйел тұрақты жұмыс орнын тауып, ресми түрде қызмет істей бастаған. Соттылығы жоқ және табысы тұрақты. Әйел бала өмірінің мәні екенін келтіріп, 2023 жылы сотқа жүгініп, баланы асыраушы отбасынан қайтарып алу мен ата-аналық құқығын қайта иелену бойынша арыз берген. Құжаттар арқылы оның есірткі орталығында есептен шыққаны, тұрақты табысы бар екені белгілі болды. Одан бөлек, әйел балаға алиментті жалтармай төлеп тұрды.
Сонымен қатар, әйелде 2 пәтер бар, оның бірі жалға беріледі. Бұл оның асырай алу қабілетін растады.
Баланың өз отбасында тәрбиеленуге құқылы екенін ескере, сот үкімімен әйелдің ата-аналық құқығы қалпына келтірілді. Үкім заңды күшіне енді.
