Астанада инклюзивті спорт орталығының құрылысы басталды
Фото: Әкімнің әлеуметтік желісінен
Мемлекет басшысының тапсырмасына сәйкес, ерекше қажеттіліктері бар адамдар үшін жағдай жасау бойынша Астана қаласында тиісті шаралар қолданылуда, – деп хабарлайды Taspanews.kz қала әкімдігіне сілтеме жасап.
Астана қаласы әкімі Жеңіс Қасымбек Астанадағы инклюзивті спорт орталығының іргетасын қалау рәсіміне қатысты
Мүгедектігі бар спортшылар жаттығуға, жарыстарға дайындалып, оңалуға арналған жерде бочча, арбадағы футбол мен баскетбол, үстел теннисі залдары жабдықталады. Мүгедек балалар мен ересектерге арналған дене шынықтыру-спорттық, оңалту қызметтері көрсетіледі.
«Мемлекет басшысының тапсырмасына сәйкес, ерекше қажеттіліктері бар адамдар үшін жағдай жасау бойынша жүйелі жұмыс жүргіземіз. Балабақшалар мен мектептерде инклюзияны қолдау кабинеттерін ашамыз, оңалту орталықтарының желісін кеңейтеміз, инватакси санын арттырамыз, жаңа қоғамдық кеңістіктер мен аулаларды, жаяу жүргіншілер тротуарлары мен жолдарды абаттандыру кезінде алдымен адамдардың барлық санатының қызығушылығын ескереміз»,
