Астанада Құрбан айтта құрбандық шалатын орындар анықталды
Фото: Астана қаласы әкімдігінің баспасөз қызметі
Астанада Құрбан айтта құрбандық шалатын орындар анықталды, - деп хабарлайды Taspanews елорда әкімдігінің баспасөз қызметіне сілтеме жасап.
Мұсылмандардың 17-19 маусым аралығында өтетін Құрбан айт мерекесі қарсаңында Астана әкімдігі құрбандық шалатын орындарда санитарлық нормалардың сақталуын қадағалау мақсатында қаладағы базарларда тексеру жүргізді.
Құрбандық шалу үшін келесі орындар белгіленді:
Шанхай базары;
«Баракат» базары (А-369 көшесі, 10);
«Жайлау» базары (С-754 көшесі, 1 корпус);
«Шолпан-ата» (Алаш тас жолы, 27/2);
ЖМ Железнодорожный (Ақжар к-сі, 20).
Бүгін мал сою орындарының иелерімен кездесу өткізіп, ветеринарлық-санитарлық талаптардың сақталуын талқыладық. Екінші санаттағы рұқсаттары жоқ жерлерде малды союға тыйым салынады.
Ауыл шаруашылығы малдарының иелері мен сою алаңдарының иелеріне ветеринарлық-санитарлық талаптарды қатаң сақтау ұсынылады. Жануарларды мамандандырылған сою пункттерінде, ет комбинаттарында немесе сертификатталған сою орындарында сою керек.
