Астанада студенттік жатақханалар саны артады
2025 жылы Астанада студенттер үшін 8 жаңа жатақхана пайдалануға беріледі, – деп хабарлайды Taspanews.kz қала әкімінің ресми парақшасына сілтеме жасап.
Елдегі инфрақұрылымдық және әлеуметтік нысандарды жүйелі түрде салу аясында студенттер санының жыл сайын артуына байланысты Үкімет жатақхана орындарын көбейтуге баса назар аударып келеді.
Мәселен, Астанада осы жылы 3 500 орындық 8 жатақхана пайдалануға беріледі. Сонымен қатар, жоғары оқу орындарына оқу ғимараттары мен жатақханалар салу үшін жер телімдері бөлінді.
2023 жылдан бастап студенттік жатақханалар салу бойынша арнайы жобалық кеңсе жұмыс істейді. Оның негізгі мақсаты – мемлекеттік бағдарламаны жүзеге асыруға қолайлы жағдай жасап, ЖОО-лар мен инвесторларға заңгерлік, консультациялық және сараптамалық қолдау көрсету.Сол кезеңде 4 200 орындық 7 жатақхана салынды.
