Астанада төтенше жағдайлар жөніндегі комиссияның отырысы өтті
Астанада Төтенше жағдайлар жөніндегі комиссияның отырысы өтті, деп хабарлайды Taspanews.kz Астана қалалық Төтенше жағдайлар департаментіне сілтеме жасап.
Елордада Астана әкімі Жеңіс Махмұдұлы Қасымбектің жетекшілігімен төтенше жағдайлардың алдын алу және жою жөніндегі комиссияның отырысы өтті. Жиында өрт қауіпті кезеңге дайындық және 2024 жылғы шомылу маусымына қауіпсіздікті қамтамасыз ету мәселелері талқыланды.
Қала әкімі жауапты басқармалармен алдағы маусымда өрттің алдын алу және су қоймаларында қауіпсіз демалысты қамтамасыз ету шараларын талқылады. Кездесуге қатысушылар сонымен қатар ағымдағы қауіпсіздік шараларын талдап, осы бағыттардағы жұмысты оңтайландыру бойынша ұсыныстар берді.
Отырыс қорытындысы бойынша мемлекеттік органдар мен мекемелерге қаладағы қауіпсіздік деңгейін арттыру бойынша хаттамалық ұсыныстар әзірлеп, іске асыру тапсырылды.
