Астанадағы ескі вокзалда жарылыс болды

Астанада кеше түнде ескі теміржол вокзалының аумағында жүк контейнерінде жарылыс болды, – деп хабарлайды Taspanews.kz «ҚТЖ» ҰК» АҚ сілтеме жасап.

Мәліметке сай, оқиға 2025-жылдың 14-ақпанында, сағат 00:30-да Астана станциясының сұрыптау аймағында болған.

«Жарылыс болған жүк контейнерінде электр жабдықтары, оның ішінде трансформаторлар мен генераторлар болуы мүмкін. Оқиға салдарынан ешкім зардап шеккен жоқ», – делінген ҚТЖ таратқан хабарламада.

Анықталғандай, контейнер жеке компанияға тиесілі болған.

Оқиға орнында тергеу басталды. Уәкілетті органдар мән-жайды анықтауға, оқиғаның себептерін және жүкті сақтау шарттарын тексеруге кірісті.

Ал, Төтенше жағдайлар министрлігі бір адам зардап шеккенін хабарлады.

ҚТЖ кезекші қызметкерінің айтуынша, 12-сұрыптау жолында платформаға қойылған контейнерде жарылыс болған. Құтқарушылар оқиға орнына жедел жетті. Өрт болған жоқ, зардап шеккендер жоқ. Алайда, бір адамның қолыны жарылған зат бөлшектерінен жарақаттанған»,  – деп хабарлады Төтенше жағдайлар министрлігінің баспасөз қызметі.

Жедел жәрдем зардап шеккенге оқиға орнында медициналық көмек көрсетті. Ауруханаға жатқызу қажет болмады.

Ақтау маңындағы ұшақтың қирауы: Әзірбайжан қазақстандық құтқарушыларды марапаттады

06 января 08:32

Оқиғаны куәгерлер ұялы телефондарына жазып алып, әлеуметтік желіде таратуда. Олардың айтуынша, жарылыс жергілікті тұрғындар үшін де сезілген. Кейбір үйлердің терезелері сынған.