Ақтөбе облысында күйзелісті төмендету сабақтары өтті
Фото: Ақтөбе облысының Төтенше жағдайлар департаменті
Ақтөбе облысында психологтар су тасқыны маусымы алдында стрессті азайту мақсатында сабақ өткізді, деп хабарлайды Taspanews.kz Ақтөбе облысының Төтенше жағдайлар департаментіне сілтеме жасап
Ақтөбе облысы Төтенше жағдайлар департаментінің психологтары психоэмоционалды күйзелісті азайтуға және психологиялық жағдайды тұрақтандыруға бағытталған сабақтар ұйымдастырды.
Бұл іс-шаралар су тасқынына қарсы жұмыстарға қатысатын қызметкерлер арасында күйзелістің алдын алу, психоэмоционалды күйзелістен арылу және психологиялық денсаулықты қалпына келтіру аясында өткізілді. Психологтар қызметкерлерге бұлшықет кернеуін жеңілдету, босаңсу, еңбек өнімділігін арттыру және эмоционалдық күйді жақсарту үшін жаттығуларды үйретті.
