Атырау облысы Төтенше жағдайлар департаментінің қызметкерлері сенбілікке шықты
Фото: Атырау облысы ТЖД
Атырау облысы Төтенше жағдайлар департаментінің қызметкерлері сенбілікте жақсы нәтиже көрсетті, деп хабарлайды Taspanews.kz Атырау облысының Төтенше жағдайлар департаментіне сілтеме жасап.
2024 жылдың 8 маусымында Атырау облысы Төтенше жағдайлар департаменті мен оның бөлімшелерінде сенбілік өтті. Қажетті құрал-жабдықтармен қаруланған ТЖ қызметкерлері айналаны ретке келтірді: қоршауларды сырлады, қоқыстарды жинады, ағаштар отырғызды. Ұжымның үйлесімді жұмысы тамаша нәтиже берді: көшеде де, ғимаратта да тазалық пен тәртіп пайда болды.
Сенбілік өткізу аумақты абаттандыру мен тазалауға көмектесіп қана қоймай, қызметкерлер арасындағы достық және ынтымақты қарым-қатынасты нығайтуға тамаша мүмкіндік беретінін атап өткен жөн.
