Атыраулық өрт сөндірушілер өртеніп жатқан пәтерден 8 айлық баланы аман алып қалды
Фото: Midjourney
Атырау облысының өрт сөндірушілері өрт кезінде 8 айлық баланы аман алып қалды. Бұл туралы Taspanews Атырау облысы Төтенше жағдайлар департаментінің Instagram-ға сілтеме жасап хабарлайды.
2024 жылдың 6 маусымында Атыраудағы Сұлтан Бейбарыс даңғылындағы көпқабатты тұрғын үйдің терезелерінен түтін шыққаны хабарланды.
Шақыру орнына санаулы минуттарда жеткен өрт сөндірушілер 6 қабатты үйдің жоғарғы қабатындағы пәтер қатты түтіндегенін анықтады.
Есіктің құлыптаулы екенін көрген құтқарушылар баспалдақ арқылы пәтерге терезе арқылы жылдам кірген. Азаматтық қорғау аға сержанты А.Құрманиязов пәтерден 8 айлық баланы тауып алып, түтіннен қорғау үшін көрпеге орап алып шыққан.
Апаттар медицинасы орталығының дәрігерлері баланы тексеріп, алғашқы медициналық көмек көрсетті.
Өрт сөндірушілердің жедел әрекетінің арқасында өртті бастапқы кезеңде сөндіруге және өрттің дамуын болдырмауға мүмкіндік туды.
Зардап шеккендер жоқ.
