Әуе отынын монополизациялау мен азаматтық авиация дағдарысы Сенат талқылауында
2025 жылы 2 сәуір күні ҚР Параменті Сенатында Қазақстандағы азаматтық авиацияны дамыту мәселелеріне арналған дөңгелек үстел өтті. ҚР Экономикалық саясат, инновациялық даму және кәсіпкерлік комитеті ұйымдастырған кездесуде авиациялық отынның жетіспеушілігі, әуежай инфрақұрылымының тозуы мен білікті кадрлардың тапшылығы мәселелері талқыланды, – деп хабарлайды Taspanews.kz ҚР Парламенті Сенатына сілтеме жасап.
Дөңелек үстелге «Air Astana», «Scat», «Qazaq Air» әуе компаниялары өкілдері, Сенат депутаттары мен Көлік және энергетика министрліктерінің, Бәсекелестікті қорғау агенттігінің өкілдері қатысты.
«Қазіргі уақытта Қазақстанның МӨЗ-дары саланың авиациялық отынға деген өскен сұранысын қанағаттандыра алмайды. Сонымен қатар, авиациялық отынды сатудың және баға қалыптастырудың айқын әрі ашық механизмдері жоқ»,
Оның айтуы бойынша, Қазақстандағы кей әуежайлар отын инфрақұрылымын бақылауда ұстауда – бұл монополизацияға, бағаның өсуіне әкелуі мүмкін.
Аталған мәселелерді шешу үшін бірнеше қадам ұсынылды.
«Қатысушылар Қазақстанның мұнай өңдеу зауыттарында авиациялық керосин өндіруді арттыру және оны нарықта бөлу механизмін реттеу қажеттілігін атап өтті. Сондай-ақ, әуежайлардың инфрақұрылымын жаңарту және жеке инвестицияларды тартудың жаңа механизмдерін әзірлеу ұсынылды. Бұдан бөлек, кадрлар тапшылығын шешу үшін Азаматтық авиация академиясында халықаралық сертификаттауды енгізу ұсынылды»,
Талқылау нәтижесінде Үкіметке тиісті ұсыныстар жолданады.
