Айбоз ұлттық әдеби сыйлығы жеңімпаздары анықталды

ҚР Мәдениет және ақпарат министрлігі ұйымдастырған байқау бойынша қазақ әдебиетіне қосқан үлесі үшін жазушылар қатары марапатталды, – деп хабарлайды Taspanews.kz ҚР МАМ сілтеме жасап.

Алматыда ҚР Мәдениет және ақпарат министрі Аида Балаева келесі номинациялар бойынша жеңімпаздарды марапаттады:

Үздік проза – Бекет Қарашиннің «Махамбеттің өлім жазасы» романы;

Үздік поэзия – Маралтай Райымбекұлының «Айкөркем» балладасы;

Үздік драматургия – Думан Рамазанның «Әзірет сұлтан» пьесасы;

Үздік аударма – Рауза Мұсабаеваның «Таң жұлдызы» аудармасы;

Үздік балалар әдебиеті – Төкен Әлжантегінің «Қызықтың бәрі ауылда» шығармасы;

Үздік әдеби сын – Жүсіпбек Қорғасбектің «Сайтанның ойыны» әдеби эссесі;

Үздік комикс – Жақсылық Сәбитовтің «Жошы хан» комиксі.

Айбоз сыйлығына номинанттар қатарында 176 автор болды. Жалпы жүлде қоры 35 миллион теңгені құрады. Әдеби сыйлық отандық жазушыларды қолдау мақсатында ұйымдастырылған. Марапаттау жыл сайын өтеді.