Қазақстан Президенті Конго Республикасы Президентінің стратегиялық мәселелер жөніндегі жеке өкілін қабылдады
Қазақстан Президенті Конго Республикасы басшысының стратегиялық мәселелер жөніндегі жеке өкілін қабылдады, деп хабарлайды Taspanews.kz тілшісі akorda.kz сайтына сілтеме жасап.
Конго Республикасы Президентінің стратегиялық мәселелер және халықаралық ынтымақтастық жөніндегі жеке өкілі Франсуаза Жолиді қабылдаған Қасым-Жомарт Тоқаев оның сапары Қазақстан мен Конго Республикасы арасындағы өзара тиімді қарым-қатынастарды нығайтуға шынайы қызығушылықты білдіретінін атап өтті.
Мемлекет басшысы биылғы жыл мемлекеттеріміз арасындағы дипломатиялық қарым-қатынастардың 25 жылдығы үшін айтулы жыл екенін атап өтіп, Конго Республикасымен ынтымақтастықты одан әрі дамытуға әзір екенін білдірді.
Франсуа Джоли өз кезегінде Қасым-Жомарт Тоқаевқа жылы қарсы алғаны үшін алғыс айтып, Президент Денис Сасу Нгуессоның ізгі тілегін жеткізді.
Кездесу барысында Конго Республикасы Президентінің Қазақстанға алдағы сапарының мәселелері, сондай-ақ екіжақты ынтымақтастықтың перспективалық бағыттары талқыланды.
