Қазақстандық спортшыларды XXXIII жазғы Олимпиадаға салтанатты шығарып салу өтті
Фото: instagram.com/turizm_sport_ministrligi
Бүгін, 17 шілдеде Қазақстан ұлттық олимпиадалық командасын XXXIII жазғы Олимпиадаға салтанатты түрде шығарып салу өтті, – деп хабарлайды Taspanews.kz Туризм және спорт министрлігінің баспасөз қызметіне сілтеме жасап.
Париж Олимпиадасына 80 қазақстандық спортшы барады, олар брейкинг пен бадминтонды қоса алғанда, 25 түрлі спорт дисциплиналары бойынша ел намысы үшін күреседі.
Төрт жылдықтың басты спорттық шарасы 26 шілде мен 11 тамыз аралығында өтеді. Олимпиада ойындарының басталуы Сена өзенінің суларында өтетін ерекше ашылу салтанатымен атап өтіледі. Бұл жер бүкіл әлем үшін ерекше және есте қаларлық көрініс ашады.
