Бесшоқы ауылындағы №8 мектепте жаппай улану орын алды

Маңғыстау облысы, Бесшоқы шағын ауылындағы №8 мектепте жүздеген оқушылар тамақтан уланды, – деп хабарлайды Taspanews.kz баспасөз орталығының Telegram арнасына сілтеме жасап.

Денсаулық сақтау және Оқу-ағарту министрліктері басшыларының, сондай-ақ Маңғыстау облысы әкімінің баяндамаларын қабылдаған ҚР Премьер-министрі Олжас Бектенов өз сөзінде тергеу жалғасуда екенін айтты.

Қазіргі уақытта 460 бала медициналық бақылауда. Оның 83-і ауруханаға жатқызылды, ал екеуі реанимация бөлімінде. Барлық зардап шеккен мектеп оқушыларының жағдайы тұрақты деп бағаланды. Реанимациядағы балаларды жалпы палатаға ауыстыруға дайындық жүруде.

Білім министрлігі зардап шеккен мектеп оқушыларына қажетті медициналық және психологиялық қолдау көрсету үшін Балалардың құқықтарын қорғау комитетінен өз өкілдерін жіберді. Бұл оқиғаны салдарын үйлестіретін тәулік бойы жұмыс істейтін штаб құрылды.

Премьер-Министрдің тапсырмасы бойынша келесі айда ел бойынша барлық мектеп асханаларында санитарлық-эпидемиологиялық тексерулер жүреді. Бұл алдын алу шарасы мектепте тамақтану қауіпсіздігін нығайтуға және болашақта ұқсас оқиғалардың алдын алуға бағытталған.

№8 мектепте тергеу жұмыстары жалғасуда. Айыпты анықталуда. «Санитариялық-эпидемиологиялық сараптама және мониторинг ғылыми-практикалық орталығы» мамандары қажетті кәсіби көмек көрсету үшін келді.

Маңғыстау облысының Денсаулық сақтау басқармасының бастығы Бекболат Ізбасаровтың айтуынша, жедел көмек көрсеьілгеннің арқасында оқушылардың өміріне қауіп төніп тұрған жоқ, көбісі жазылып, үйіне қайтқан.