eGov mobile арқылы жасанды интеллект туралы сауалнама жүреді
Фото: Pexels
2025 жылы 3-9 наурыз аралығында ҚР Цифрлық даму министрлігі азаматтардың жасанды интеллектіні (ЖИ) қолдануы туралы сауалнама өткізеді. Оған eGov mobile қосымшасының «Хабарламалар» бөлімінде қатысуға болады, – деп хабарлайды Taspanews.kz ҚР ЦДИАӨМ сілтеме жасап.
Сауалнама бес сұрақтан тұрады және ЖИ туралы білім деңгейі, оның шешімдеріне деген сенім мен жаңа технологиялармен жұмыс істеуге дайындықты анықтауға бағытталған.
Алынған деректер талданып, цифрлық дағдыларды дамыту және ЖИ-ді күнделікті өмірге енгізу бойынша жаңа бастамалар үшін негіз болады.
Айта кетсек, 3 наурызда Мәжілісте Қазақстанда ЖИ қолдану ережелерін реттейтін «Жасанды интеллект туралы» заң жобасы таныстырылды.
