Елорда әуежайына жетер-жетпес жолда 2 көлік соқтығысты
Фото: screenshot Instagram
Елорда әуежайынан алыс емес маңда Kia және Hyundai көліктері соқытығысқан жол апаты орын алды, – деп хабарлайды Taspanews.kz Astana_brothers Instagram парақшасына сілтеме жасап.
Көліктердің бірі жолдың ойық шетіне шығып кеткен. Екінші көліктің алдыңғы бөлігі айтарлықтай зақымдалған. Оқиға орнында патрульдік полиция өкілдері жөнелген.
Астана полициясы оқиғаға қатысты түсініктемесіне сай, Kia Cerato жүргізушісі Қабанбай батыр көшесі бойымен әуежайға қарай жол жүріп келе, көлікті басқара алмай, жолдың қарсы бетіне шығып кетті. Нәтижесінде, Hyundai Elantra көлігімен соқтығысқан. Hyundai Elantra жарықтандыру бағанына соғылып, жолдың сыртындағы сайға түсіп кеткен. Көлік жолаушысы ауруханаға жатқызылды.
