Ішкі істер министрлігінің Алматы академиясы полиция қызметі туралы комикстерді ұсынды
Фото: ҚР ІІМ
ІІМ Алматы Академиясы полиция қызметінің негізгі аспектілері мен оның қылмысқа қарсы күресін қарастыратын комикстердің топтамасын ұсынды, - деп хабарлайды Taspanews ҚР Ішкі істер министрлігінің ресми сайтына сілтеме жасап.
Бұл комикстер құқық қорғау жұмысының қыр-сырлары мен ерекшеліктеріне шолу жасап, оны азаматтардың кең тобына қолжетімді және түсінікті етеді. Жұмыстың әрбір бөлімі ішкі істер органдарының қызметкерлері күнделікті кездесетін маңызды тақырыптар мен проблемаларды ашуға ұмтылады.
– Бұл ақпараттық ықпал етудің жаңа түрі. Комикстердің басты кейіпкерлері – тәжірибелі полиция қызметкерлері, барша азаматтарға үлгі, олардың батылдығы мен кәсібилігі жас курсанттар мен полиция қатарына қосылғысы келетіндердің барлығына шабыт береді. Ақпараттық білім берудегі осындай дәстүрлі емес тәсілдің арқасында біз қоғамдық түсіністік пен құқық қорғау органдарына қолдау көрсетуге, сондай-ақ полиция қатарына жаңа дарынды кадрларды тартуға үміттенеміз
Бұл жобаны қолға алған ұйым ІІМ-нің Алматы академиясы күрделі жағдайларда әрекет ету бойынша жаңа оқиғалар, кеңестер мен ұсыныстары бар комикстердің жаңа нөмірлерін тұрақты түрде шығаруды жоспарлап отыр.
