Қарағанды әкімдігінің есепшісі өзіне 5 миллион теңге жалақы алғаны үшін сотталды
Фото: Midjourney
Қарағанды облысында әкімдіктің бұрынғы есепшісі алаяқтық жасағаны үшін сотталды, - деп хабарлайды Taspanews прокуратураның баспасөз қызметіне сілтеме жасап.
Осакаров ауданы прокурорларының мәліметінше, Молодежный кенті әкімінің есеп бөлімінің бұрынғы қызметкері 2022-2023 жылдар аралығында өзіне заңсыз 5 миллион теңгеден астам жалақы есептеген.
Анықталған алаяқтық фактілері бойынша қылмыстық іс қозғалды. Осакаров аудандық соты бұрынғы есепшіні кінәлі деп тауып, 3 жыл 6 айға бас бостандығын шектеу жазасына кесті.
Прокуратура таратқан мәлімдемеде мемлекетке келтірілген барлық шығын толығымен өтелгені атап өтілген.
