Қарағанды облысында әлеуметтік осал топтарға 60 үй табысталды

Қарағанды облысы, Шет ауданында кезекте тұрған әлеуметтік осал топ өкілдеріне үйлер табысталды, – деп хабарлайды Taspanews.kz Қарағанды облысы әкімдігіне сілтеме жасап.

Кезекте тұрғандарға Ақсу-Аюлы ауылында таунхаустар мен жаңа үйлер берілді. Кілтті табыстау салтанатты түрде аудандық мәдениет үйінде аудан әкімінің қатысуымен өтті.

Жалғыз басты ана Алмаш Тәжібаева өз әсерімен бөлісті:

“Менің үш балам бар, мен 15 жылға жуық кезекте тұрдым. Әрине, мен баспана алғаныма өте қуаныштымын. Таунхаус кең. Бірінші қабатта үлкен ас үй мен зал, екінші қабатта екі жатын бөлме бар. Жуынатын бөлме, жуынатын бар, бәрі өте ыңғайлы. Балалар да өте қуанышты, жатын бөлмені өзара бөлісіп алды. Біз көшіп жатырмыз”, – деді ол.

Жыл басынан бері Шет ауданында жалпы саны 170 үй бастапқы нарықтан сатып алынған.