Қарағанды облысында құс фабрикасы аумағы өртенді
Фото: ҚР ТЖМ
2025 жылы 4 сәуір күні Қарағанды облысы, Бұқар жырау ауданы, Ботақара ауылында құс фабрикасы аумағындағы ғимарат өртенді, – деп хабарлайды Taspanews.kz ҚР ТЖМ сілтеме жасап.
Бір қабатты ғимараттың шатыры өртенген. Өрт 1500 шаршы метр аумақта аз уақыт аралығында сөндірілді. Екпінді желге қарамастан өрттің ғимарат ішіне таралмауы қамтамасыз етілді. 8000-ға жуық тауық аман қалды.
Зардап шеккендер жоқ. Оқиға себебі анықталуда.
