Қарағанды облысында мүгедектігі барлардың жәрдемақысы дұрыс жұмсалмаған

Қарағанды облысы прокуратурасының өңірлік арнаулы әлеуметтік қызметтер көрсету орталықтарында жүргізілген тексерулері барысында мүгедектігі бар адамдардың құқығы бұзылғаны анықталды, – деп хабарлайды Taspanews.kz ҚР Бас Прокуратурасына сілтеме жасап.

Мүгедектігі бар азаматтардың зейнетақы мен жәрдемақылары қисынсыз жұмсалғаны анықталды. Азық-түлік секілді қажетті заттар нарықтық бағадан екі есе қымбатқа сатып алынды.

Жәрдемақы мен зейнетақының 70%-ы мемлекеттік сатып алу туралы заңнамаға сәйкес жұсалуы қажет. 

Қаражаттың 30%-ы қорғаншы тарапымен комиссия шешіміне негізделіп жұмсалды. Комиссия шешімі бойынша мүгедектігі барлардың қажеттілігі бәсекеге сәйкес емес баға саясатымен анықталды.

Қасым-Жомарт Тоқаев ата-анасыз қалған балаларға қатысты қауіпсіздік шарасын бекітті

10 февраля 21:14

«Тиісті министрлікке Арнаулы әлеуметтік қызметтер көрсету орталықтарының адамның жасына, еңбек өтілі бойынша зейнетақы төлемдерін және мемлекеттік әлеуметтік жәрдемақыларды қолдану жөніндегі 2023 жылғы 25 мамырдағы No 174 қағидаларына өзгерістер енгізу ұсынылды. Ұсынуды қарау нәтижелері бойынша қолданыстағы Қағидаларға өзгерістер енгізу бойынша шаралар қабылданды және олар бүгінгі күні мүдделі мемлекеттік органдармен келісілуде. Бұл шаралар бүкіл елдегі әрекетке қабілетсіз адамдардың мүліктік құқықтары мен мүдделерін қорғауға мүмкіндік береді», – делінген ҚР Бас Прокуратурасы хабарламасында.