Қарағанды облысында мүмкіндігі шектеулі жандарға арналған тегін ІТ курстары ашылады
Фото: Қарағанды облысының әкімдігі
Қарағанды облысында мүмкіндігі шектеулі жандар мен олардың қамқоршыларын цифрлық мамандықтарға тегін оқыту қарастырылған, - деп хабарлайды Taspanews облыс әкімдігіне сілтеме жасап.
Жұмыспен қамту және әлеуметтік бағдарламаларды үйлестіру басқармасы IT секторында біліктілік пен жұмыспен қамтуды қамтамасыз етуге бағытталған жобаны бастады.
Өтінішіңізді 20 маусымға дейін бере аласыз. Оқыту төрт айлық теориялық сабақтарды және екі айлық практикалық жұмыстарды, соның ішінде жергілікті IT-компанияларда тағылымдамадан өтуді қамтиды. Курстарды сандық кәсіптерді оқытуда үлкен тәжірибесі бар халықаралық технопарктердің сертификатталған сарапшылары жүргізеді.
Бағдарлама 5 шілдеде Алалыкина көшесі, 12 мекенжайындағы «Террикон алқабының» IT хабында басталады.
Қосымша ақпаратты және тіркелуді мына телефон арқылы алуға болады: +7-776-5-444-666.
