Қарағанды облысында отбасы жол жүруге шығып жоғалып кеткен
Фото: Depositphotos
Қарағанды облысы, Ақтоғай ауданында іздестіру-құтқару операциясы жүргізілді, – деп хабарлайды Taspanews.kz ҚР ТЖМ сілтеме жасап.
Үш адамнан тұратын отбасының Балқаш қаласынан Саяқ ауылына дейін жолға шығып, межелеген жерге жетпегені туралы туысқандары хабарлаған. ТЖМ құтқарушылары іздестіру жұмыстарын жүргізіп, отбасын ауылдан 70 шақырым жерде тапты. Олар көлікпен қар құрсауында, ұялы байланыс жоқ жерде қалып қойған.
Жол учаскесінде басқа да көліктер қозғала алмай, тұрып қалған. Барлық автокөліктер Балқаш қаласына бағытталды.
