Қарағанды полицейлері ұрланған көлікті иесіне қайтарды
Фото: Қарағанды облысының полиция департаменті
Қарағанды полицейлері ұрланған көлігін тұрғынға қайтарды, деп хабарлайды Taspanews.kz Қарағанды облысының полиция департаментіне сілтеме жасап.
Қарағандыдағы патрульдік полиция қызметкерлері оның ұрланған көлігін жергілікті тұрғынға дер кезінде қайтарып берді. 35 жастағы жәбірленушінің айтуынша, ол көлігінің ұрланғанын таңертең көпқабатты үйдің ауласына шыққанда байқаған. Жәбірленуші оның жоғалып кеткенін дереу полицияға хабарлаған.
Шығын қомақты сомаға бағаланды – 12 миллион теңге. Патрульшілер бірден жоғалған көлік туралы хабар алып, бірнеше минут ішінде оны қала көшелерінің бірінен байқайды. Көлікті 33 жастағы ер адам басқарған, ол ұсталып, кінәсін мойындады.
