Қарағандыда жалдамалы пәтерден теледидар ұрлаған әйел ұсталды
Фото: Pexels
Қарағандыда 38 жасар әйел теледидар ұрлағаны бойынша ұсталды, – деп хабарлайды Taspanews.kz Polisia.kz сілтеме жасап.
Екі күнге 8 мың теңге төлеп тұрған әйел әрі қарай толық соманы беруге уәде берген. Алайда, үйдегі 100 мың теңгелік теледидарды алып, ізін суытқан.
Күдікті күнәсін мойындады. Полиция көмегімен үй иесіне теледидар қайтарылды.
Қылмыстық іс қозғалды. Тергеу жүргізілуде.
Еске салсақ, 4 қазанда Астанада ер адамның көршісі компьютерін ұрлап кеткен.
