Қарағандылық зейнеткер полицейлерге сенбей, алаяқтардың құрбаны болды
Фото: Midjourney
Қарағандыда 78 жастағы зейнеткер банк қызметкерлері мен полиция қызметкерлерінің мәліметіне сенбей, алдамшыға сеніп, оған 750 мың теңге аударып берген, – деп хабарлайды Taspanews ҚР ІІМ порталына сілтеме жасап
Банктің қауіпсіздік қызметкерлері күдікті транзакцияларды байқаған кезде киберполицияға хабарласқан. Кызметкерлер мен полицейлердің мәліметіне қарамастан, әйел не болып жатқанына сенгісі келмей, ақшаны алаяқтарға берген. Шығынның ауқымын түсінгеннен кейін ғана ол өзін алдап, жинаған ақшасын аударып беремін деп белгісіз біреуді жауапқа тарту үшін арызданған.
Қарағанды облысының полицейлері ғаламтордағы алаяқтықтың алдын алу үшін тұрғындармен белсенді жұмыс жүргізуде. Олар парақшалар тарату, мекемелерде лекциялар, тікелей эфирлер, сондай-ақ қоғамдық орындарда азаматтарды қабылдау бойынша науқандар жүргізеді. Бұл киберқылмыстардың жолын кесуге бағытталған іс-шаралардың бір бөлігі ғана.
«Банк қызметкерлері, полиция және басқа да құқық қорғау органдары телефон соғып, банк картасының мәліметтерін немесе кодтарын сұрамайды. Сондай-ақ, зейнеткерлік жастағы азаматтардың әрекетін назардан тыс қалдырмауыңызды сұраймыз. Белгісіз жазылушылармен ақша аудару туралы сөйлесуді тоқтатыңыз. Сақ болыңыз, мүлкіңіздің қауіпсіздігі өз қолыңызда»
