Қазақстан бойынша оқушылардың тамақтануын ұйымдастыратын стандарттар ұсынылды

Санитарлық-эпидимологиялық бақылау комитеті білім беру және тәрбиелеу ұйымдарында тамақтануды ұйымдастыру стандарттарын жария талқылауға шығарды, – деп хабарлайды Taspanews.kz Ашық НҚА сайтына сілтеме жасап.

Жаңа стандарттарға сай, 2 ауысымды  мектептерде міндетті ыстық тамақпен қамтамасыз ету жүзеге асу керек. Ол екінші сабақтан кейінгі кез-келген уақытқа белгіленіп, ең кемінде тамақтануға 15-20 минут кету керек. Тамақтандыру интервалы 3,5-4 сағаттан аспау қажеттігі келтіріледі.

Негізгі стандарттар:

Дайындалғанына 2 сағат өтіп кеткен ас берілмейді. Ыстық тамақтардың температурасы +75 °С, қою тамақтар мен гарнирлер +65°С, ал сусындар мен салқын сорпалар +14°С-ден аз болмау керек;

Сатылмаған немесе берілмеген тамақты мұздатып, ертесі күні қайтадан ұсынуға болмайды. Соустар бөлек қаптамада берілу керек;

Тұз көлемі бастауыш сыныптарға күніне 3 граммнан, ал қант 26-34 граммнан аспау керек;

Тағамның 75%‑ы көкөністерден, жеміс-жидектерден, дәнді-дақылдардан, жидектер, мен жаңғақтардан тұруы керек;

Газдалмаған сусын беру қарастырылған. Одан бөлек шәй, сүт және компоттарға өнім салмағынан 2,5%-тен аспайтындай ғана қант қосу қажет;

Екі ауысымды оқыту тән мекемелерде тамақтандыру бюджет есебімен жүреді.

Одан бөлек ұсынылған стандарттармен келесі сілтеме бойынша танысуға болады: Тамақтану стандарттары.

Жоба 17 желтоқсанға дейін жария талқылауда.