Қазақстан итальяндық журналдың нұсқасы бойынша үздік туристік бағыттардың ондығына кірді

Қазақстан беделді итальяндық Dove Travel басылымының нұсқасы бойынша келуге ұсынылған топ-10 елдің беделді тізімінде құрметті орынға ие болды,– деп хабарлайды Taspanews.kz КТК телеарнасының ақпаратына сілтеме жасап. Айта кетсек, ТМД елдерінің ішінде тек Қазақстан ғана бұл атаққа ие болды.

Журнал сарапшылары қалалардың көрнекі тартымдылығын, табиғи сұлулығын және елдің мәдени мұрасын бағалады.

Журнал редакторлары әркімнің кем дегенде бір рет елімізге келуін ұсынады. Баруға ұсынылған басқа экзотикалық маршруттардың қатарына Оман, Оңтүстік Африка Республикасы, Индонезия, Непал, Исландия және Жаңа Зеландия кірді. Тізімдегі біріншілікті Гавайи, Барбадос және Венесуэла сенімді ұстайды.

Біздің елімізге келетін болсақ, мұнда Астана, Алматы және Маңғыстау облыстарының табиғат ғажайыптарына ерекше назар аударылды. Атап айтқанда, басылымда Шарын ұлттық паркі, Көлсай және Қайыңды көлдері, Алматыдағы собор мен орталық мешіт, сондай-ақ Маңғыстау облысындағы бозжыр мен Қызылқұп бірегей шатқалдары сияқты көрнекті нысандар айқын суреттелген. Астанада Әзірет Сұлтан мешіті мен заманауи қалалық сәулет ескерткіштері бар.

Әлемдік қызығушылық қазақстандық туристік ресурстардың бірегейлігі мен байлығын көрсетеді.